Manchester United chuan Zirtawpni zanlai khan Real Madrid atangin midfielder Casemiro chu an lakluh tur thu an puang.
Club pahnihte hian inremna an neih thu an puang a, mimal contract bakah U.K. visa leh medical tihfel hnuah a insawn ang.
Kum 30 mi Brazil midfielder hian kum li contract a ziak tura ngaih a ni a, kum khat a ziah belh thei dawn a, United-ah hian player hlawh tam zingah telin Real Madrid in a hlawh an pek let hnih dawnin a hlawh hnem dawn niin hmun thenkhatah an sawi.
A manah United in Pound maktaduai 60 an seng dawn a, a inkhelh dan a zirin Pound maktaduai 10 an pek belh ang.
Tun nipuiah United in midfielder an dap nasa hle a, an mi duh angte an lakluh hleihtheih loh avangin sum tam zawk nen Casemiro hi an ngaihven.
Brazil international hian Madrid chhuahsan tum lo zet mahse United sawmna a hriatchian hnuah insawn a thlang a, Real Madrid boss Carlo Ancelotti chu kar tir lam khan chhuah a duh tih a hriattir tawh.