Arsenal in season bul duhthusam a an tan chu an chhunzawm a. 3-0 a Bournemouth hnehin Premier League table chung ber an luah lailawk rih.
Vitality Stadium a Inrinni tlaia inkhelah Gunners tan captain Martin Odegaard chuan minute 5-naah goal a khung a, a goal khungah Gabriel Jesus fak loh theih a ni lo.
Minute 11-naah khung belh lehin Norway midfielder bawk a inlar leh a. Second half-ah Jesus-a tan siamsak let ve mahse offside avanga pawm a ni lo.
Arsenal tan defender William Saliba chuan an goal thumna a khung a, minute 54-naah goal mawi tak mai a pet lut.
Arsenal manager Mikel Arteta chuan, “Vawi thum kan chak a ni mai a, engtihna vak a ni lo. Kan team kan kheltha hle tih a tilang a. Goal kan khung theih bakah kan goal kan venghim thin bawk. A bak erawh engmah sawi thuina tur a la ni lo.” tiin an bul tan that chu huai taka tawng na chhan turah a la ngai lo.
Inrinni zan inkhel dangah Arsenal hmelma Tottenham Hotspur pawhin hnehna an sual chhuak a. 1-0 in Wolverhampton Wanderers an hneh.
Tottenham tan striker Harry Kane chuan inkhel a goal awmchhun a khung a. Tottenham striker hian a club tana a goal 250-na a khung a. Kum 1992 a Premier League khelh a nih hnuah goal 1000 khung tling pangana an ni bawk.