SEDP chu a tira sawi aia tlem deuhin an han sem tan dawn a niawm a, eng tak ang zel ang maw?
Kan hriat angin sorkar in a flagship programme SEDP tia a vuah chu kalpui tumin hun reife chhung an han khal a, chhuanlam tur tingin hri leng a lo awm chho nen, an duh angin hma an la lawk thei lo pawh a ni mai thei. Tunah inthlanpui an hmachhawn leh hmain an sawi aia tlem daih leh mi thlanbikte hnena pek tur department hrang hrangte hnenah an han pe chhuak ta chu a ni a, a lawmawm lamah ngai rih phawt ang.
SEDP hi a nihna tur ang taka hman a nih chuan thil tha ni pawhin a lang a, chuti ni lova sum semna mai chauhah kan chhuah leh a nih chuan hmasawnna leh tangkaina awm lo fe fe erawh a awm ngei ang.
An sem bak leh an sem zawh lohte pawh hi sem zo thei ngei turin sorkar hian hma la thuai thuai se la, inthlanpui lo awm leh hunah tling lo thut theite pawh an ni a, an intiamna tihhlawhtlin ngei tum hian tun atangin hma la se a duhawm hle.
Sorkar-na an chang chhunzawm leh a nih pawhin kum nga dang min nghahtir leh kher lo hian a mamawhtute hnena pek tlak thuai dan hi zawng rang se la, intodelh phahna ni ngei turin hma la thuai thuai thei se a va tha em.