Inrinni khan TKP, Bawngkawn Bial-in ZMC Blood Bank tan thisen unit 100 an pe, a petute hi mipa 82 leh hmeichhia 18 an ni.
KTP, Bethlehem Venglai pawhin an kohhran hall-ah Synod Hospital tan unit 55 an pe a, mipa 46 leh hmeichhia 9 an ni a. Adventist Youth Federation (AYF), Aizawl-in Aizawl Civil Hospital blood bank-ah unit 44 an pe bawk a, mipa 37 leh hmeichhia pasarihin an pe.
Nimin vek khan KTP, Kolasib Diakkawn Branch-in an kohhran hall-ah Kolasib District Hospital tan unit 37 an pe a, mipa 24 leh hmeichhia 13-in an pe.
TKP, Ţhuampui Bial-in Civil Hospital, Aizawl tan unit 26 an pe a, mipa 25 leh hmeichhia pakhat an ni a. KTP, Champhai Tlangsam Branch leh Tlangsam North Branch pawhin district hospital tan unit 21 an pe a, a petute hi mipa 20 leh hmeichhia pakhat an ni.
TKP, Lawngtlai College Veng Unit-in an kohhran hall-ah Lawngtlai District Hospital tan unit 16 an pe a, a petute mipa 13 leh hmeichhia pathum an ni. AYF, Lawngtlai Branch-in district hospital tan unit 10 pein mipa paruk leh hmeichhia pali an ni.