Tunlai UFC champion zinga fak hlawh leh hneh har ber tura mi tam tak ngaih Kamaru Usman hma a chak thei an awm a. British mixed martial artist Leon Edwards chuan round nga na tawp dawnah a khingpui hi chiang taka ‘kick’ in a knockout a. UFC welterweight title a chhuhsak.
Pathianni zinga Utah a UFC 278 main event-ah Edwards hi round nga chhung cage chhunga inbeihnaah a hnufual zawkah a tang a. Judge te thutluknaah kal se chungnung zawk Usman-a’n a champion title a humhim ang.
Nimahsela kickboxer tha leh fighter hmuhnawm tak hi a tawp thlengin a beidawng duh lo. Round hnuhnung berah minute khat a la awmin a khingpui hi a la pan ngat ngat a, remchang insiam turin a taksa a siamrem a. Usman-a’n a tawp thlenga kutthlak a tumna chu remchangah la in awl lai a hmuh zeuh chu a hmang tangkai a, a ke veilamin chiang takin a khingpui bekah a hem a. Nigerian-American fighter hi a tho leh tawh lo.
Edwards hi kum 2016 a Michael Bisping-a’n middleweight title a lak hnuah British mi UFC champion leh thei hmasa ber a ni a. Kum 35 mi UFC a vawi 15 chak zawn tawh Usman-a chak tluang lai a tihtawpsak.
Kum 2015 khan fighter pahnihte hi an inhmachhawn tawh a, hemi tum hian Usman hi unanimous decision in a chak.
Edwards hi a zawna vawi 10 a chakna chiah a ni a, Usman laka alo tlawm hmasak tawhna a thlen hnuah tlawm a la nei leh lo.
Jamaica a piang, naupang a nihlaia Birmingham a an pempui Edwards hi retheihna atanga seilian a ni a. A chak hnuah a zinkawng a sawi lang.
“Mi zawng zawngin ka tih theih an ring lova, tunah min han en leh chiah teh se. He hnehna hi ka seilenna anga seilian ve zawng zawng tan a ni. Miten min thlir dan ka hria a, min rin lohna pawh ka hria. Thil theih ni lovah an sawi thin.” tiin a sawichhuak.
UFC 278 Main card
Weight class Method Round Time
Welterweight Leon Edwards def. Kamaru Usman (c) KO (head kick) 5 4:04
Middleweight Paulo Costa def. Luke Rockhold Decision (unanimous) (30–27, 30–27, 30–27) 3 5:00
Bantamweight Merab Dvalishvili def. José Aldo Decision (unanimous) (29–28, 29–28, 30–27) 3 5:00
Women’s Bantamweight Lucie Pudilová def. Wu Yanan TKO (elbows) 2 4:04
Light Heavyweight Tyson Pedro def. Harry Hunsucker TKO (body kick and punches) 1 1:05