UFC lightweight fighter hmuhnawm leh tan hlawh Tony Ferguson chuan cage chhung a lut leh thuai dawn a. September 10 a UFC 279-ah Chinese fighter hmasawn leh hmuhnawm Li Jingliang nen an intum ang.
UFC president Dana White chuan he bout hi tihfel a nih vat tur thu a sawi a. 25-7 record nei Ferguson hi tunhnaiah a zawnin vawi li a tlawm tawh a. UFC interim lightweight champion ni tawh thinin May thla khan Michael Chandler lakah a tlawm.
Kum 34 mi Li hi 19-7 MMA record nei a ni a, cage chhung a luh hnuhnung pasarih atangin vawi nga a chak a, hetih chhung hian Performance of the Night lawmman vawi li a dawng thei a. UFC bikah vawi 16 inlan tawhin vawi 11 a chak tawh.