Bollywood star Ranbik Kapoor-a’n tunhnai khan social media hmangtute thin a tirim hman hle a, YouTube event pakhatah a nupui Alia Bhatt naupai chungchanga fiamthu thawh chungah an thinrim. Tunah ngaihdam a dil.
“A dik. In sawi dik vek e.. A hmasa berin, ka nupui hi ka theihna zawng zawngin ka hmangaih thu in bul ka’n tan hmasa phawt an. Kha thil thlengah khan fiamthu angin lang mah se, a nuihzatthlak hauh loh.
“Mi dangte thin ka tirim palh a nih chuan ngaihdam ka dil nghal ni se.. tum reng vang a ni lo. Midang pawisawina leh thinrimna a nih chuan ngaihdam ka dil a ni.
“Hemi chungchang hi ka nupui Alia pawh ka sawipui tawh a, a nui liam ve mai a, a la thutak lem lo. Mahse, fiamthu hi ka thiam lo lutuk em mai a, tlak fuh loh chang a tam zawk. Chuvang chuan, mi rilru ka lo tina palh a nih chuan pawi ka ti a, ngaihdam ka dil a ni,” a ti.
Ranbir Kapoor leh Alia Bhatt te hian tunah hian fatir an pai mek.