Premier League lamah che fuh thei lo mahse West Ham United in Europe huap inelnaah erawh an chet chhiat an hliahkhuh a. Europa Conference League group stage lut turin goal ruk an khung.
Lezague lamah an match hmasa pathumah Hammers an tlawm vek a. UECL qualifying playoff round-ah match hnih chhungin Viborg 6-1 in an sawp.
First leg-ah 3-1 in Hammers an chak tawh a, Viborg Stadion ah Italy forward Gianluca Scamacca chuan Hammers tana a goal hnihna khungin goal hmahruai a thun a. Said Benrahma chuan an goal hnihna a khung hnuah Tomas Soucek-a’n an goal thumna a khung.
UECL qualifying inkhel dangah Fiorentina in Dutch team FC Twente chu hneh zo lo mahse first leg a an result an chhawr a, 2-1 aggregate in an chak.
De Grolsch Veste a inkhelah La Viola in huntawp dawnah Igor Julio chu red card avangin an chan. Spanish club Villarreal erawhin Alfonso Pedraza leh Samu Chukwueze te goal hmangin 2-0 in Hajduk Split an hneh.