- Lallunghnema, Charity Lodge
Tunlai chu keia kar zirna in sang hmun hrang hrangah thu sawiin ka tei kual ve fo mai. Law College-ah Consumer right ka au chhuahpui a. Johnson Collegeah ka Kal bawk. Johnson College Principal hi ka nau, ka thianpa Thingsai chhul chhuak ngat Prof.JV Nunchunga a ni a. Prof.JV.a thianpa, he College a Asst.Proffessor Muana hi sweet hlang hmanga damdawi lei thei, consumer right veitu a ni .
Hmun hrang hranga Consumer Right sawi thin ka ni a.Hetiang programme min siamsak thintute chungah hian ka lawm hle a, anni hi ka ngaisang hle a ni.
Mihring kan buai ta hle, thu sawi ngaithla tur pawhin hun neih a har thin. Thu tha tak pawh kan ngaithla hman ta meuh lo. Mahse, kan theih chhung chuan kan sawi zel ang a, kan ziak zel ang a, kan au zel dawn! Consumerte hmusittute chu kan do zel dawn bawk a ni. Ngaithlatu pawh an awm zel tho,thing bul thu hrilh em kan nih loh chuan kan sawi zel mai ang chu.
Consumerte dikna leh chanvo buaipui hi thil namen lo tak a ni a. Ram leh mipui hmasawnnain a ken tel a ni. Ram hmasawn apiangah Consumer Movement hi a kal nâ a, a tla na a, consumer justice hriatna kawngah nasa takin an sang thin a ni. Heng ramahte hian consumerte chu humhimin an awm thin.Thil man indawn hniam a awm ve lo.
Ka sawi thin a, ka sawi leh pek dawn, USA, UK, France, Russia, China, Brazil, Spain, Argentina, Italy, Germany leh Australia te, Netherlands te hian kum tam tak kal ta atang tawh khan thil leitute tana thil hrisel an lo ngaihtuah daih tawh a. Consumer Movement thlipuiin nasa takin heng ramte hi a lo chenchilh tawh a ni a. Thil lei thleng leh chungchangahte ngat phei chuan leitute chuan ‘problem’ an nei ngai lo a ni berber, ‘Return Policy-te’ an lo nei thlap tawh mai a ni a. Keini ramah chuan seller-te hi an lal em em a, an inti thu em em a. An thil zawrh laite chu an ta emaw tiin a man an duh dan danin an chhiar thin a. Maximum Retailed Price engahmah an ngai lo va, MRP chung lama an bungrua an hralh hian dan an bawhchhia tih in hre mahse an inthlahrung ngai meuh lo a ni.
Mahse consumer zingah thil tha duh, mi hrat khawheng sangawi zawnpui ka la nei zel a. Chung zinga mi chu ka kawipa Prof. Rka Colney a ni a. Thian pa thusawi hi i han ngaithla teh ang. ‘Tlem lai deuh khan dawr pakhatah thil ka lei a. A man chu Rs. 48.00,* a nih laiin dawr nghaktu chuan cheng cheng sawmnga mi laksak a tum a. Mahse dawrkai pa chu ka hnial lo a. MRP cheng sawmli pariat a nih laia Rs. 50/- i chhiar tlat hi a dik lo. Dan bawhchhiatna a ni ka ti tlat a. Rs. 50/- pe pah chuan cheng 2 min pe kir turin ka ti tlat mai a. Min en run run a, a nupui hnenah chuan, “Hei Rs. 2/- min dil tlat mai, han pe teh” Hreh tak chuan a ti a. A lawm loh hmel hle mai. Kei pawh chu engmah sawi lovin ka kal ta a” a ti. Ka thian pa hi mi thiam dik tak a ni, ka ti ve tlat.
Mi thiam inti, kan tih te hian consumer right an hriat loh chuan thiam tih a har viau. Veng chhung parawnkai ni ti mahse, kei chuan mahni dikna leh chanvo hre lo. Consumer justice mika mak pawh hre lo hi chu ka dah sang thei mawlh lo mai!
Tun hnaiah LP Gas a to chak hle mai. Phun nachang hriat a tul. Sawisel ngam tur. Power bill a sanin kan phun chur chur! ringawt!. Kan ho khawp mai. Kan nitin mamawh nunna hnar consumer interest kan ngaihsak lo. Chu ai chuan nawmchenna, huau huauah kan fing, kan changkang, a tlo si lo. Chaw ei tur min pe si lo. Zai lamah eizawnna tlak a la awm lo. Kan tlem, tih hi mi thiam thenkhat sawi dan a ni. Ka sawi dan pawh a ni.
Consumer Right hre lo, mi bil kan ni inti changkang, changkang si lo, inti hria, hre si lo. JERC lampum pawh hre lo! Mi thiam in ti kan tam lutuk!
Consumer-ten zalenna an neih theihna atana ka beihpui kan thianpa pakhat chuan duh thawh takin heti hian a ti a, “Consumer-te hi chhan ngai kan ni a; Consumer Act leh Rules te hi kan hriat a ngai hle. Ram changkangah chuan consumer-te hian an right an ngaipawimawh. Mizoramah chuan inti changkang ho hi an harhchhuah a ngai a ni. Gas te hi la turin kan in tlar tur a ni tawh lo. Kan kawtkaiah kan la tawh tur a ni. Kan tuar nasa ta lutuk! I harh chhuak ang u, i bei zel ang u. Ram economy siam that nan a tul em em a ni” a ti thin.
Tunah chuan kan thupui tha tak mai hi kan luhkhung tawh ang. Tin, heti hi a nia, August ni 23 khan Consumer Advocacy Group WhatsApp network ka han en zuai a. Heti hian thuziak ka hmu a. “Zomato te pay Rs. 10000/- fine over cancelled order: ask Consumer Forum tiin. Heti hian a sawi chhunzawm leh ta a. Chandigarh Consumer Commission has asked Zomato to pay a fine and provide a free meal to a customer over cancelled pizza order. The Commission has also directed Zomato to provide free meal to thr complainant within a period of 30 days. Hei hi deficiency in service leh unfair trade practices a ni a. Consumer Protection Act 2019 kalh a ni.
Mizoramah hian eiin tur lamna, consumer-te inhnangfakna hmun Restaurant, Tea Stall leh Hotel-te a awm ta teuh mai. Hengho hi service petute an ni. Mawhphurhna lian tak an nei. Anmahni dawrtute tih hlim a, tih lawm vhu an ‘duty’ a ni. Order ni lo zawk pekte, order ang lo tuilo satliah mai pawh ni lo inhlui te hi dan kalh a ni hrim hrim a. Fimkhur a uluk a tul em em a ni. Kristian ram, Lal Isua hmung zuitu rinawm te hna chu a tha tur a ni a, a thianghlim bawk tur a ni. Rinawmna te, Dikna te leh Thianghlimna te tel lo chuan hringnun hi belh tlak a ni lo. Smart Consumer a nih theih hek lo va, sumdawng rinawm pawh hmuh tur an awm ngai lo a ni. Hralhtu leh leitu in laichinnna tha chuan ram economy a siam tha thin. Consumer Harh Rawh.