Zote Honda Mizoram Premier League Season 9 round hmasa ber Zirtawpni khan khelh zawh a ni a. Vawi hnih champion tawh Chanmari FC in hnehna chang turin vanneihna an mamawh.
Rajiv Gandhi Stadium a inkhel hnuhnung zawkah Chanmari FC in Electric Veng FC an hmachhawn a. Second half-ah F. Lalnuntluanga chuan penalty hlawhchhuakin goal-ah a khung nghal.
Electric Veng FC hian first half-ah leh second half-ah goal khung theihna huntha an hloh ve ve a, Remsanga’n Chanmari FC goalkeeper MS Dawngliana hna hautak vawi hnih a siamsak thei.
Inkhel hmasa zawkah FC Venghnuai leh FC Bethlehem te 3-3 in an inhnehtawk ve thung a. Bethlehem lamin Lalbiakdika hmanga hma an hruai thuai hnuah Venghnuai tan Vanlalthanga, H. Lalrempuia leh Lalrammuanpuia ten goal an khung.
Second half-ah minute 71-na leh 74-naah Lalruatpuia leh Moses Lalrinzuala ten goal khungin Bethlehem in an si phurh an sut ve leh.