Ultimate Fighting Championship in tun kartawpa UFC 279 a buatsaih tur chu kar hmasa Zirtawpni atangin a buai hle a. Mahse hlawhtling taka nei thei turin an insiamrem hman.
Main event a inlan tura tih Nate Diaz chu Tony Ferguson nen intum tir an ni a. Round li naah submission hmangin a chak.
Kum 37 mi Diaz hian UFC a contract a neihlai a hman zawhna chiah a ni a. Combat sport dang luhchilh a duh avangin contract dang a ziah rih loh tur thu a sawi.
A buai nuai nuai
UFC in pay-per-view inelna a neih hma ni hnih a la awmin press conference hnuhnung ber a pualin a nei thin. Hei hi main event a Diaz tum tura tih Khamzat Chimaev leh Kevin Holland te intihbuai avangin a thleng lova. Diaz-a leh a team pawh buainaah an inhnamhnawih ve niin an sawi.
Fighter-te buk an nih hnuah Khamzat Chimaez chu Pound 7.5 (Kg 3.4) in a rit a. Diaz nen hian welterweight a intum tura tih an ni a. Hei vang hian fight card an thlak danglam.
Diaz-a’n Li Jingliang hmachhawn tura tih Tony Ferguson a tum anga. Daniel Rodriguez hmachhawn tur Kevin Holland leh Chimaev intumin Jingliang leh Rodriguez te an intum ve thung.
Diaz a chak
Fighter tan hlawh leh hmuhnawm pahnih inhmachhawn an ni a. Mipui hmuhnawm tih turin an inlan a, an inzahtawn bawk. Round li-naah submission hmangin Diaz a chak ta zawk.
“Tupawh min tum tir turin ka ti a, mixed martial arts hmel timawitu fighter ropui min pe.”
“UFC ka chhuahsan lawk dawn a, heng UFC fighter zawng zawng hi infiamna huang dang a hlawhtlin dan entawn tur ka siamsak dawn. Chumi zawhah chuan UFC title la turin ka lo kir leh ang.” tiin a chak hnuah a sawi.
UFC in a dahsan Chimaev-a’n a theihna sanzia tilangin Holland chu round khatnaah submission hmangin a hneh ve nghal.