Aizawl : MNF thalaiin MNF party flagship programme SEDP kalpui ṭan a nih tak avanga lawmawm an tih thu an sawi a. “Mi tam takin lei rem an rah theihna tura sorkarin hma a la chho zel hi ropui kan ti” an ti.
Hmun hrang hranga Local council leh Village council bye-election neih zawh tak result atangin mipuiin MNF party-ah rinna an la nghat nia a lan thu leh lawmawm an tih thu MNF thalai chuan an sawi a. Legislative assembly thutkhawm zawh taka ‘The Mizoram (Land revenue) amendment bill, 2022’ pass a ni pawh an lawm thu an sawi.
‘The Mizoram (land revenue) amendment bill chu Zoram mipui tana hlu em em nia sawiin, “He dan hnuaiah hian property card pekchhuah tur niin, Zoram mipui ten kan ṭangkaipui ngei kan beisei” an ti bawk.