Sri Lanka in run 23 in Pakistan an hneh a. Asia Cup-ah a vawi ruk nan an champion.
Pathianni zana Dubai a final inkhelah Sri Lanka in over 20 atangin run 170 an siam a, wicket ruk an hloh.
An tan Bhanuka Rajapaksa chu che tha in ball 45 atangin run 71 a siam.
Pakistan tan batsman rinrawl Mohammad Rizwan chuan run 55 a siam a. Mahse Sri Lanka bowler Pramod Madushan chuan wicket li a lak avangin Pakistan in over 20 chhungin run 147 bak an tlin lo.
Kumin inelnaah Sri Lanka hi champion tura rinhlawh berte zingah an tel lova, Afghanistan hmaah tlawm nghal mahse an insiamtha leh a, hun pawimawhah an che tha thei hle.
Wicket 9 la tu an bowler Wanindu Hasaranga chu Player of the series a thlan a ni a. Run 281 siam Rizwan chu run siam hnem ber niin wicket 11 la India bowler Bhuvneshwar Kumar chu wicket a la hnem ber.