French Foreign Minister Catherine Colonna chuan India tlawh turin Thawhlehni hian a lo thleng dawn a, ram pahnih inkara inlaichinna chi hrang hrang thawh dunna tur thilte sawipui a ni ang a. A bikin sumdawnna, ram venhimna leh sik leh sa inthlak zela hma lak dan turte an sawiho ang.
Colonna hi Ningani thleng India-ah a châm dawn a ni.
A châm chhungin Colonna-i hian ram pahnih inkar, India chhehvel thil leh khawvel huap thilte pawh External Affairs Minister S Jaishankar nen Nilaini hian an sawi dun ang.
Colonna-i hian Mumbai pawh a tlawh dawn a, Ningani hian industry hruaitute nen inkawmin an hmunhmate pawh a fang dawn a ni.
Ningani vek hian ral atangin ‘France and India in the Indo-Pacific: An essential partnership in challenging times’ tih thupui hmanga inkawmhonaah a tel bawk ang.
India leh France hian hun rei tak ata tawh inlaichinna nghet tak an nei sa tawh a. Sorkar hotu liante pawh huang hrang hrangah an indawr tawn reng thin niin external affairs ministry chuan Colonna-in India a tlawh tur chungchanga thuchhuah a siamah a tar lang.