Season bul an tan dan a fuh loh viau hnuah AS Monaco in kawng dik zawh lam an pan a. Olympique Lyonnais chu 2-1 a hnehin Ligue 1-ah a zawnin hnehna an chang.
Stade Louis II-ah Pathianni zanah Monaco in an league match hmasa panga atanga vawi khat chauh hnehna an chan hnuah Lyon an mikhual a. Kar hmasa a team tha Nice leh Red Star Belgrade an hneh avangin inrintawkna thar an nei.
Benoit Badiashile leh Guillermo Maripán ten goal an khung a. Lyon tan forward rinrawl Karl Toko Ekambi chuan goal khat a khung.
Lyon hian tlawm lova season bul an tan hnuah Nilaini khan Lorient lakah an tlawm a. Tun kartawpah an tlawm nawn lehna niin panganaah an awm mek.