Minister C Lalrinsanga’n Mizorama lui leh luidung humhalhna dan duang tura theihtawpa hmalak mek a nih thu leh ngaihtuahna hrang hrang thawhkhawm mek a nih thu a sawi.
Sub-Committee on draft Mizoram river protection bill chu nimin khan Minister C Lalrinsanga ho hian a pisa-ah an thukhawm a. Mizorama lui leh luidung humhalh chu “thil tul tak, tih makmawh a ni” a ti.
C Lalrinsanga chuan Irrigation and Water Resources department kaltlangin National hydrological project hnuaiah Mizoram chhunga lui hrang hranga tui tam dan volume leh a luan chak dan te pawh teha chhinchhiah hna thawh mek a nih thu a sawi a. He hmalaknaah hian Aizawl leh Lunglei-ah data collect na Centre a awm thu a sawi.
Data lakkhawm mek te atangin lei chhunga tui in re-charge zat a hriattheih vek tih sawiin, C Lalrinsanga chuan chung te atang chuan Mizorama lui te chu hum- halh a tul tak zet niin a sawi a. Nimina an thutkhawm chu a hmawr hawnna chauh a nih thu leh tul leh tih tur tam tak a la awm thu a sawi bawk.
Sub-Committee on draft Mizoram river protection bill ah hian PHE Secretary chu Secretary niin, department hrang hrang aiawh bakah CYMA aiawh leh midangte an tel bawk a ni.