Aizawl : Mizoram University (MZU)-a department of forestry-in nimin khan MZU conference hall-ah -Farmers’ interaction on sustainable farming techniques in Mizoram- tih thupui hmangin National workshop an buatsaih.
He hmalakna hi sorkar laipui hnuaia DST-SEED (TSP) sponsored project ni- in -establishing indigenous innovative farming model for sustainable crop production and tribal empowerment in Mizoram- tih behchhana kalpui a ni a. A tum ber chu Mizorama loneitu ten hlawk zawka thlai an thar theihna tura hmalak a ni.
Workshop hi MZU Vice Chancellor Prof. K.R.S Sambasiva Rao-a’n a telpui a. Microbiologist hmingthang Prof. BA Chopade leh Prof O.N. Tiwari te bakah Soil scientist tha tak tak te pawh workshop-ah hian telin, Sangha khawi, Pa khawi, Changpat ek atanga leitha sawngbawl leh Khuai khawi lama mithiamte nen hun an hmang ho a ni.