Mizoram Amateur Taekwondo Association chuan Inrinni khan 2nd Session Colour Belt Exam an buatsaih a. MATA Hall, Republic Vengthlangah club 12 atangin Taekwondo zirlai 210 in exam tha takin an paltlang.
Belt exam-ah hian physical fitness, basic technique, hand & leg technique, Poomsae, self defence, sparring, breaking leh speed endurance te an exam. Black belt exam tur atana inbuatsaih bik Red 1 exam beitute hi Master VLSawma hovin Black belt Laltlanmawia leh Arjun Pandey ten uluk takin theory leh practical exam a endik.
Yellow belt atanga Red belt inkar te chu Chief Examiner Lalinpuia, 2nd Dan Black belt hovin World Taekwondo Federation Black belt panga Albert Lalrinfela, Lalhminghlua, KC lalrindiki, Zohmingthanga leh C.Lalfakzuala ten an endik.
Aizawl Exam hi hmun hnih a kalpui a ni dawn a. Tun exam-te hi Aizawl chhuahlam club te niin Aizawl tlak lam te hi tun thla tawpah an exam ve ang. District dangte pawhin exam hi an kalpui mek.