India in thla leh a khelh tur T20 World Cup squad an puang a. Fast bowling larna hmun Australia-ah India in a fast bowler tha te a hruai dawn.
All-India Senior Selection Committee chuan Thawhtanni zan khan team a puang a. Jasprit Bumrah leh Harshal Patel te a ko kir a. Kum 23 mi, T20 a over tawp lam vawm thiam tak Arshdeep Singh pawh an ko tel.
A vaw tu lamah captain leh vice captain Rohit Sharma leh KL Rahul te bakah Virat Kohlileh Suryakumar Yadav te chiang sa an ni a. All rounder an thlan zingah Deepak Hooda tel bawkin Axar Patel chuan spin bowling hma a hruai ang.