AZL: Sorkar laipuia Ministry of Defence-in MJA member-te tan Defence Study Tour a buatsaihah nimin khan MJA member, Gen. Hqrs. leh district hrang hrang atangin mi 11-ten Aizawl chhuahsanin Guwahati an pan a, tour hian ni 20 thleng a awh ang.
Defence Study Tour-a tel MJA member-te hi India defence system hrang hrang zirtir an ni ang a, Assam leh Arunachal Pradesh-a sipai (Army leh Air Force) hmunhmate tlawhin ralthuamte entira hrilhfiah an ni ang.
MJA President C Lalrambuatsaiha’n tour-a telte pawh Mizoram leh Mizo journalist-te leh Mizo mipui tana tangkai pawh chhuak ngei tura duhsakna hlanin Aizawl Press Club tual atangin a vailiam.
Journalist-te tana Defence Study Tour buatsaih a nih theihna tura hmalatu Rajya Sabha MP K Vanlalvena’n senso a tumsak bakah Minister Dr R Lalthangliana’n an senso phuhrukna tur sum a pai bawk.