Spain lama season bul tan tha tak CA Osasuna chuan hnehna pawimawh an chang a, Almeria lakah 1-0 a chakin a sang pali zingah an la awm chhunzawm.
Jagoba Arrasate pawlte hian match nga atangin point 12 an hmu tawh a.Power Horse Stadium a goal hlauhawm tam lohna inkhelah hnehna an chang.
Minute 28-naah Osasuna tan Ezequiel Ávila chuan goal tha tak a khung a. Hei hian inrintawkna lian tak siamsak in Lucas Torro hmanga goal ban an pet per bakah Ruben Garcia goal pawm loh an nei bawk.
Coach Arrasate chuan, “Kan kheltha hle a, mahse hmasawn zel kan ngai. 1-0 ah chuan kan khingpuite tan beisei tur a la awm reng a, inkhel kan dahthat a pawimawh. Season bul kan tan danah kan lungawi hle.” tiin a sawi.