Queen Elizabeth II vuina neih tur atangin tun kartawpah Premier League match thum khelh tur chu sawn hlat a ni dawn.
Chelsea in Liverpool an mikhual tur leh Leeds United in Manchester United an tlawh tur chu sawn a ngai a. Brighton leh Crystal Palace inkhel tur chu khawchhunga rel te an tlan loh avangin sawn a lo ni tawh.
Queen vuina hi Thawhtanni a neih tur a ni a. Hemi hma September 16 leh 18 a inkhel tur dangte erawh kalpui vek a ni ang.
Premier League chuan inkhel thenkhat sawn a nih chhan chu sawiin club, police bakah tualchhunga invenhimna leh thuneitute lam nena inbiakrawnna an neih hnuah thawktu indaih lohna leh pawhpen an nih nasat dawn avangin inkhel an sawn tih an sawi.