Mizoram Premier League champion lai Aizawl FC chuan match hnih atang a vawi hnih nan hnehna an chang a. Round hnihnaah FC Bethlehem 2-1 in an hneh.
Rajiv Gandhi Stadium a Thawhlehni inkhel hnuhnung zawkah Bethlehem in goal an khung hmasa zawka. Aizawl FC in a zawnin si phurh sut ngaiin an awm.
An tlarhnung lam atanga ball vawrh luh chu an left-winger Lalruatpuia’n chak takin a um lut a, Bethlehem tan goal a khung.
Mahse Aizawl FC in first half-ah an chhanglet a, Lalbiakzuala cross tha Lalchhawnkima’n goal-ah a khung.
Second half-ah chakna goal MS Dawngliana’n Aizawl FC tan a khung a. Dawngtea ‘finishing’ a tawih tak zet.
Inkhel hmasa zawkah Mizoram Police in first half-ah goal hnih an khung an chakpui a. Lalrinzuala Khiangte leh Lalhmunmawia ten goal khungin second half-ah Electric Veng tan David Lalchhuanawma’n team goal mawi a hmawr a bawk a. 2-1 in Police an chak.
Aizawl FC hian Zirtawpni-ah Electric Veng FC an tum leh dawn a. Ningani ah Bethlehem in Chanmari FC an tum anga, Police leh Chawnpui FC an intum bawk ang.