Thla hnih kalta vel leka rimawi khawvel dailut K-pop hmeichhe band thar NewJeans chuan Spotify-ah record ropui tak an siam ta reng mai.
An debut album, ‘E’ a hla pali bak dah lo NewJeans hi an thawm a na nghal viau a, 4th generation group (2018 hnu lam) zinga thla tina Spotify-a ngaithlatu ngah ber an ni mek.
An inlarna rei loh ngaihtuahin hmeichhe group hlawhtling tak takte tan paw’n an hnawksak chho dawn niin a lang a, K-pop industry-ah intihsiakna leh chungnung zawkna nihna kawnga intlansiakna a hautak lehzual dawn.
NewJeans hian Spotify mai ni lo- international charts hrang hrangah ro an rel chho mek bawk a, Billboard atanga iTunes thlengin cho huphurhawm tak an nihna an lantir chho reng bawk.
HYBE enkawl NewsJeans hla hi spotify-ah thla tin vawi maktaduai 9 chuang ngaihthlak thin a ni a, tun dinhmunah chuan K-pop group zingah elpha an awm lo.