Arsenal leh Manchester City in October 19 a Premier League match an khelh tur chu Arsenal in Europa League a PSV Eindhoven an khelh hun tur sawn a nih avangin sawn hlat a ni ve leh.
PSV leh Arsenal hi zanin a inkhel tur an ni a, nimahsela Queen Elizabeth II vuina tur vuakvet avanga police indaih lohna a awm avangin sawnhlat a ni a. October 20-ah he inkhel hi sawn a ni.
Premier League lam chuan Arsenal ngenna hi an ngaihtuah hnuah an pawm sak a, a hun thar tur an la ruat tur thu an sawi.
Kar hmasa inkhel tur Queen Elizabeth thihna avangin sawn a ni tawh a. Thawhtanni ah vui a nih dawn avangin tun kartawpah match thum sawn a ni leh bawk.
Kuminah World Cup an khelh dawn avangin Premier League fixture tawt tawh sa a tawt belh dawn tihna a ni.