India ramah darkar 24 liam ta chhungin coronavirus kai mi 5,108 hmuh chhuah leh an ni a, mi 4,45,10,057-in an kai tawh.
Union health ministry-in a chhinchhiah dan chuan hri kai enkawl lai pawh tlahniam zelin mi 45,749 an la awm mek.
Darkar 24 liam ta chhungin thi mi 19 chhinchhiah belh leh niin heng zinga mi 12 hi Kerala-a a hma lama thi, chhinchhiahnaa telh thar an ni a. Heng mite nen hian mi 52,82,16-in an thihpui tawh a ni.
Hri kai hmuh chhuah tawh zawng zawng atanga chhutin enkawl lai hi 0.10% an la ni mek a, 98.71% chu enkawl dam an ni tawh.
Darkar 24 liam ta chhunga endik zinga 1.44% chuan hri an kai tih hmuh niin chawlhkar khat liam ta chhunga endik zinga 1.70%-in an kai bawk.