China, Russia bakah Asia ram lailia ram pali – Kazakhstan, Kyrgyzstan, Uzbekistan leh Tajikistan chuan kum 2001 khan SCO hi an din a, tangrual ramte hian an huam chhunga helna a chhuah loh nan leh tihtawp nan bakah ramri venhimna lama thawhhona atana an tih a ni.
India leh Pakistan ram hian kum 2017 khan zawm vein hei hi an pawl tihlen hmasak berna a ni a, kumin intwhkhawmah hian Iran pawh full member atana lak luh a ni ang.
SCO hian kal dan berah khawthlang ram tangrualte chak lutuk tur dal an tum tih a lang a, heng zingah hian Nato pawh a tel.
Hetih rual hian an tih theih chin a la lian tawk lo niin mi thiamte chuan an ngai a, khawvel ram tangrual lian zawk dangte huhang ang chu an la nei phak lo deuh niin an ngai.
SCO-a tel ramah hian khawvela mihring cheng zawng zawng zinga 44% zet an cheng a, Arctic Ocean atanga intanin Indian Ocean thleng, Pacific Ocean atanga Baltic Sea tawp thleng a huam a. Khawvel pum sum thawh chhuah, Gross Domestic Product (GDP) zinga 30% zet thawhtu ramte an ni.
Tun hnai lehzual kum eng emaw zat hi anmahni huam china himna bakah eibar zawnna, sumdawnna leh dan leh thupek kenkawhna lam thlengin thawhhona kawngah huang an zauh tawh a. Mi thiamte chuan a zawmtu an tam chuan eibar lamah pawh nghawng na zual an neih ngei theih a rinawm niin an sawi.
Hetih rual hian vek hian SCO hi China leh Russia ramten an la awp bet rih lutuk niin an ngai bawk.
Moscow chuan Asia ram laili hi an huhang ngahna niin an ngai a, hetih mek lai hian Beijing ram economy thang zel hian a luahlan mai pawh rinna a lian hle.