Barcelona rawlthar midfielder Gavi chuan kum 2026 thleng Camp Nou a cham tura contract ziah a remtih thu club in Nilaini khan an sawi.
Gavi contract tharah hian Euro tluklehdingawn 1 a leichhuah theihna a awm dawn. Hei hi Spanish football a contract ziah dan kalhmang a ni a, Barcelona hian an hmalam huna an mi pawimawh ni tura an ngaihte – Pedri, Ansu Fati, Ronald Araujo leh Ferran Torres te contract a release clause awm nen a inang.
Hun engemaw chen atangin Gavi-a contract chungchang hian ngaihven a hlawh tawh a, a contract neihlai hi nakkum nipui a zo tur a ni. Barcelona hian beiseina sang tak an nei chungin thuthang a tam hman a, Premier League club te pawhin an ngaihven hman.
Spanish football danah kum 18 la tling lo player in kum thum contract bak a ziah theih loh avangin Barcelona hian August thla a player in kum 18 a tlin an nghak leh phawt.