Aizawl : Union Minister of State, Rural Development, Consumer Affairs, food & public distribution changtu Sadhvi Niranjan Jyoti-i’n nimin khan Mamit tlawhin, beneficiaries hrang hrang, sorkar deptt. hrang hrang hotute leh khawtlang hruaitute a kawm.
Sadhvi Niranjan Jyoti chuan sorkar laipuiin ram intodelhna tura theihtawp a ch- huah thu sawiin, a bikin hmarchhak bialah hmasawnna hna kalpui mek a nih thu a sawi a. Hmasawnna hna kalpui laiin hniam chang leh san chang a awm theih thu sawiin, tha thlah lova theihtawp chhuah zel turin sorkar hnathawkte leh khawtlang hruaitute chu a chah a. Sorkar hnathawh chauh ni lo, themthiamna hmanga eizawnna tur kawng zawng turin a chah bawk.
Kum 2014 atangin thalaite skill development atan sorkar laipui atanga sum tam tak pek an nih tawh thu sawiin, MGNREGA bakah hmeichhiate chawikanna atana hmalak mek a nih thu Sadhvi Niranjan Jyoti chuan a sawi a. Sorkar laipui scheme hrang hrang kalpuite chu ramri kham bik leh thleibik nei lova a nihna ang taka hmang thin turin a chah.
Union Minister of state hian nimin vek khan Mamita Self Help Group ten Exhibition an buatsaih pawh a tlawh bawk a ni.