Aizawl : Delhi-a cham mek Agriculture Minister C Lalrinsanga’n DoNER Minister Kishan Reddy kawmin, Mizoramin Agriculture lama hma a sawn zelna tur chungchang a sawipui.
Tunkar Nilaini tlaia DoNER Minister nen an inkawmnaah hian Agriculture Minister C Lalrinsanga chuan Mizoram sorkarin Agriculture lamah hmasawnna bung thar kai tumin nasa takin hma a la niin a sawi a. North East state zingah pawh Mizoram chuan Agriculture lama hma la tha ber lawmman a lak hial thu a sawi.
Tunaia hmasawnna nasa zawka kalpui turin Agriculture infrastructure lamah Mizoramin mamawh tam tak a la nei nia sawiin, C Lalrinsanga chuan thu Agriculture Minister chuan sawiin, sorkar laipui scheme piah lam kalpui a tul thute a sawi a. DoNER Minister hnenah hian state mamawh te a thlen bawk.
Agriculture Minister hian nimin khan National productive council Director General Sundeep Kumar Nayak leh a thawhpuite pawh New Delhi-ah thutkhawmpuiin, Mizoramin Agriculture, Irrigation leh Cooperative sector lama hmasawnna nasa zawk a neih theih dan tur leh hemi kawnga NPC nena thawhho theih dan tur kawng hrang hrang a sawipui a. NPC hotute chuan Mizoram chu Agri business leh business process re-engineering ah te thawhpui tura an inhawn thu leh la inbiak chhunzawm zel an duh thu Minister hi an hrilh ve bawk a ni.