Aizawl : Minister of state TJ Lalnuntluanga’n Champhai district-a kalpui tan turin SEDP a hawng. Champhai dist-a MLA bial 3 – Champhai North leh South leh East Tuipui atangin SEDP tanpuina dawng tur chhungkaw 4500 an awm.
SEDP dawng tur zinga chhungkaw 2277 te chu vety deptt. hnuaia trade thlangte niin, Commerce & Industries hnuaiah 730, Agriculture-ah 843, UD&- PA-ah 42, Horticulture 304, Sericulture 19, Fi- sheries 280 leh Land resources & soil hnuaia trade thlan chhungkaw 5 an awm.
TJ Lalnuntluanga chuan sorkar hun tawnin a zir loh avangin an tum zat angin SEDP bul an tan thei lo niin a sawi a. SEDP chu huam zau zawka kalpui zel tum a nih thu sawiin, a bultanna chauh a nih thu leh sem chhoh zel tur a nih thu a sawi.
SEDP chungchang bakah hian Champhai District chhunga a enkawl Department hmalakna hrang hrangte a tarlan bakah district hmasawnna tura sorkar hmalakna te Minister chuan a sawi tel bawk.