India ramah darkar 24 liam ta chhungin coronavirus kai mi 6,422 hmuh chhuah leh hman niin mi 4,45,16,479-in an kai tawh.
Union health ministry-in a chhinchhiah dan chuan hri kai enkawl lai pung leh hretin mi 46,389 an la awm mek.
Darkar 24 liam ta chhung hian Covid vanga thi mi 34 chhinchhiah belh leh niin mi 28,250-in an thihpui ta a. Thi chhinchhiah thar zinga mi 20 erawh a hma lama thi tawh, Kerala-a chhinchhiahnaa telh thar an ni.
Hri kai hmuh chhuah tawh zawng zawng atanga chhutin enkawl lai hi 2.04% an ni mek a, 98.71% erawh enkawl dam an ni leh tawh tih ministry chuan a sawi.
Darkar 24 liam ta chhungin enkawl lai hi mi 640-in an pung leh hret a, hei hi thla khat dawn hnua a pung zawnga a kal leh vawi khatna a ni.
Darkar 24 liam ta chhunga sample endik zinga 2.04% chuan hri an kai tih hmuh niin chawlhkar khat liam ta chhunga endik zinga 1.71%-in an kai bawk.
Hri kai tih hmuh chhuah tawh zawng zawng zinga mi 4,39,41,840 chu enkawl dam an ni tawh a, a kai zinga 1.19%-in an thihpui thung.
Health ministry-in a chhinchhiah dan chuan nikum January thla laihawl atanga invenna pek beihpui thlak kal mek zelah vaccine dose vaibelchhe 215.98 chuang pek a ni tawh.