AZL: Chief Minister Zoramthanga’n nimin khan Defence Minister Rajnath Singh hmuin Bangladesh leh Myanmar ramri pahnihah Mizo telna paramilitary force dah tha a tih thu leh tul leh pawimawh dangte a thlen.
Minister chuan Bangladesh leh Myanmar ramri pahniha Mizo telna paramilitary force dah chungchang chu a tul anga la sawiho tha a tih thu leh home minister nen pawh sawiho tha a tih thuin a chhang.
Chief minister chuan Cantonment board area-ah Mizoramin hmun a mamawh ve thu pawh minister hnenah a thlen a. Cantonment board area-a state-te tana ram dil theihna hmun awmah hmalaksak tura ngenin minister pawhin a ngaihtuahtu turte hnena thlena, a theih anga bawhzuisak a tum thuin Chief Minister chu a lo chhang niin sorkar thuchhuah chuan a tar lang.