Aizawl: Govt. Mizoram Law College-in nimin khan an college-a lut thar lawmna leh zirlai hlawhtlinna changte lawmpuina, Freshers’ Social cum Felicitation an buatsaiha, Higher & Technical Education Minister Dr R Lalthangliana’n a hmanpui.
H&TE Minister Dr Thangte chuan Mizoram Law College chu kum 1983 a din, kum 39-a upaa sawi theih tur a nih thu sawiin, ram dang zirna ang bawkin a tha tih a sawi.
State Judicial Service-a lut leh ukil tam zawkte chu Mizoram Law College chhuakte an nih thu sawiin, “Ram dang aia kan hniamna bik a awm lo,” a ti a, chutihrual chuan Mizoram chhung chauh ni lo, hmun danga law practice tam zawk nei thei tura tan lak erawh a hnam ang zawng pawha tum a tul thu a sawi.
Mizoram Law College-ah hian a din tirh atanga tun thlengin mi 665-ten LLB an pass tawh a, tunah hian zirlai 189 leh zirtirtu 13 vel an awm mek bawk a ni.