Premier League club Brighton & Hove Albion chuan an manager thar ni tur an dap mek a, heng zingah hian Mainz coach Bo Svensson chu a tel.
Kum 43 mi Danish coach hi Brighton owner Tony Bloom leh chief executive Paul Barber ten coach engemaw zat inbiakna an neihpui zingah a tel a. Mainz a a hna thawh in fak a hlawh avangin a buk a rit viau tura rin a ni.
Kum 2021 January thla khan Mainz hi enkawl tanin hetihlai hian tlak hlauhawmah an awm mek a, hemi season hian dinhmun him a chanpui hnuah season liamta khan Bundesliga-ah pariatna a nihpui.
Tun season-ah khelh ruk khel tawhin parukna an ni mek.
Brighton chetthatpuitu coach Graham Potter chu Chelsea in Thomas Tuchel thlaktu turin an lalut a. A hmunruak luah tura sawilan zingah Bodo-Glimta che tha Kjetil Knutsen pawh a tel.