India Under-17 football team chuan South Asian Football Federation U-17 Championship final-ah Nepal 4-0 in an hneh a, champion trophy an chawi.
Tun tum inelna hi Sri Lanka ah nghah niin Racecourse International Stadium-ah final hi khelh a ni a. India tan Boby Singh, Korou Singh, captain Vanlalpeka Guite leh Aman ten goal an khung.
India hi a zawnin he inelnaah hian an champion a. Tun tumah hian inelna hi tihdanglam niin SAFF U-15 Championship ni thin chu Under-17 ah an thlak.
India in final-a an hneh Nepal hian group stage-ah 3-1 in an hneh a, tun tumah India in minute 39-na a an captain in red card a hmuh vanga tlem zawk Nepal an sawp.
India captain Vanlalpeka Guite chu Most Valuable Player a thlan niin India goalkeeper Sahil chu Best Goalkeeper a thlan a ni.
India team-ah hian Lalhmingchhuanga Fanai leh Lalpekhlua te pawh an tel.