Spice Girls member Mel C chuan band anga an chetchhuat hmasak ber hma hretin mipat hmeichhiatna thila khawihnawmnah a ni, a ti.
A hun laia hmeichhe band lar ber Spice Girls, Mel C hian 1997 kuma show an neih hmasak ber dawn zan khan a chungah thil duhawm lo tak a thleng.
Turkey rama an thlenna hotel-a massage a nih laiin a thil duh loh ber mai a tawng nia sawiin, “Ka him lo hlea hriatna ka nei nghal a, zahthlak leh mualphothlak pahw ka ti hle. Ka chiang ngam lo hman viau mai a, ka thil tih hi a dik reng em, tih te ka ngaihtuah hman. Min message tu hmaah khan thawmhnaw hlip vek kha a ngai bawk si a ni,” tiin novelist Elizabeth Day podcast-ah a sawichhuak.
A chunga thil duhawm loh thleng hi ngaihtuahzui zel tha ti lovin, Spice Girls band anga concert an neih hmasak ber turah a rilru a pek nghal vangin hun eng emaw chen chhung chu Melanie Chrisholm hian kha thil thleng kha a pai zui lo nghe nghe.
Mel C chuan, “Thiante bulah tawngtam leh kamtan nih ka duh lova, boruak siam hluai lova mahnia tawrh mai kha ka duh ta zawk a ni,” a ti.
Mipat hmeichhiatna hmanga khawih nawmnah a nih laia a ngawi ta zaw kha kawngleh lamah chuan kum tam tak a ngawihbopui thei zawk a, a chanchin ziahna, ‘Who I Am’ a buatsaih laiin a ngaihtuahnaah a lo lang leh ta zawk niin, a sawi.