India ramah darkar 24 liam ta chhungin coronavirus kai mi 6,298 hmuh chhuah leh hman niin mi 4,45,22,777-in an kai tawh.
Union health ministry-in a chhinchhiah dan chuan hri kai enkawl lai pung leh hretin mi 46,748 an la awm mek.
Darkar 24 liam ta chhung hian Covid vanga thi mi 23 chhinchhiah belh leh an ni a, an zinga pali erawh a hma lama thi tawh, Kerala-a tlaikhawhnua chhinchhiah an ni a. An vaiin mi 5,28,273-in hri leng hi an thihpui tawh a ni.
Hri kai hmuh chhuah tawh zawng zawng atanga chhutin a kai enkawl lai hi 2.04% an la ni mek a, 98.71% erawh enkawl dam an ni tawh thung.
Darkar 24 liam ta chhung hian enkawl lai hi mi 359-in an pung leh hman a. Hetih chhunga sample endik zinga 1.89% chuan hri an kai tih hmuh chhuah niin chawlhkar khat chhunga endik zinga 1.70%-in an kai tih hmuh a ni bawk.
Thi chhinchhiah thar mi 19 zingah hian Maharashtra-ah mi pasarih leh Delhi-ah mi pathum an tel a, heng state pahnihte hi darkar 24 liam ta chhunga Covid vanga thi an tam berna an ni.