Manipur-a Churachandpur district-ah Nilaini zan khan BJP worker-te zin chu tute nge an nih hriat lohten kalkawngah lo beiin mi pasarih an hliam a, an lirtheite pawh a hmelhem nual.
BJP worker-te hi tute nge an nih hriat loh mi 50 velin tiang leh thil hriam dang hmangin Lhunwang khaw bul, Singhat assembly bialah an lo tibuai.
“Lo beitute hian BJP worker-te hi lungin an vawm bawk a. Lirthei pali vel tihchhiat niin mi pasarih velin hliam na tak an tuar bawk,” tiin BJP hruaitu chuan a sawi.
Singhat (ST reserved) assembly bial hi November 7-a by-election neihna tur bial panga zinga pakhat a ni.
BJP worker hliam tuarte hi Churachandpur district hospital-ah lak nghal an ni.
Manipur BJP chuan an party worker-ten beihna an tawk chu an dem tih an sawi a. By-election neih tura BJP in-charge Benjamin Mate chuan an party chu hetiang lam chi tharum thawhna do tlattu an nih thu a sawi.