Aizawl : MZP federal council sitting nimina neihin, MZP assembly kumin October-a Darzo khuaa neih tura thu rel tur (agenda) thlifimin, pasarih an pawm a. Assembly lo awm turah MZP danbu ennawn an remti bawk.
MZP assembly agenda atana an pawm zingah – Mizoram sorkar enkawl zirna in hrang hrang fee kalphung ennnawna, a tam thei ang ber zirnain hma a sawn theihna atana hman a nih theihna tura hmalak te; Post matric scholarship-a Mizoram sorkar tum ve tur a hun taka pekchhuah a nih theihna tura hmalak te; Mizoram sorkar hnuaia college hrang hrang ten bus an mamawh te sorkarin a ngaihtuahsak theihna tura hmalak te pawh a tel.
RUSA kaltlanga college hrang hrang sak that/ thawmthat te a hun taka zawh a nih theihna tura hmalak te; Mizorama NHIDCL hnuaia kawng laih hna thawh mekte a nih dan tur dik taka thawh a nih theihna tura hmalak te; Mizoram sorkar hnuaia hna lakah Mizo tawng middle school standard exam tura tih exam a nih ngeih na tura hmalak te leh Mizorama insuarance company ten insuarance diltute tana harsatna an siam thin chingfel tura hmalak te a tel bawk.