Tennis player ropui Roger Federer chuan tun thla tawpah tennis inelna sang a chawlhsan tawh tur thu a puang.
Grand Slam title vawi 20 la tawh Federer hian Ningani zan khan a thutlukna hi social media kaltlangin a puang a. Nikum Wimbledon hnuah la inkhel leh lovin a khup hliam, amah lo tibuai fo tawhtu chu a vawi thum nan zai a ni.
Kum 41 mi ni tawh Federer chuan, “Ka taksa in chiang takin thurawn min pe niin ka ngai. Kum 24 chhungin match 1500 chuang ka inkhel tawh a, inelna ka duhtawk hun hi a thleng tawh a, hei hi ka hriatthiam a ngai in ka hria.”
“Tennis infiamna hi ka hmangaih a, engtiklai mahin ka kalsan tak tak dawn lo.” tiin a sawi.
Federer hian kum 21 mi a nihin kum 2003 khan Wimbledon-ah a Grand Slam title hmasa ber a la a. Grand Slam title 20 a lak hi mipa tennis a tam ber pathumna a ni mek a. Mipa tennis inelna sang ATP hnuaiah title 102 a vaiin a la a ni.
A chawlh tur thu a puan hnuah hian amah thlahtu mi ropui zingah hmeichhe tennis star Serena Williams leh a elpui hlun Rafael Nadal te an tel.