Aizawl : Land Revenue & Settlement (LR&S) Minister Lalruatkima’n SEDP hnuaia hmalakna pakhat – Saitual khawpui huam chhung zawng zawng teh that (survery & resurvey) hna kalpui tur chu nimin khan Saitual-ah a hawng.
LR&S Minister chuan Saitual khawpui leh a chhehvel survey hna bul tan theih a ni ta chu lawmawm a tih thu sawiin, a kalphung pawh Mizorama a hmasaber tur a nih avangin chhinchhiahtlak tak tur a nih thu a sawi a. Mizoramin mipui eizawnna siam leh hmasawnna rahbi an rah ve theihna tura SEDP a duan chu a tak ram thlen tir turin kawng hrang hranga hmalak a nih thu sawiin, LR&S Deptt. pawhin mitin, chhungtin ro neih in hmun leh ram te felfai taka chhinchhiah a nih theihna tura hma an lak mek thu a sawi. Dist thar dang – Hnahthial leh Khawzawl-ah pawh survey & re-survey chu kalpui tum a nih thu a sawi bawk.
Sorkar thuchhuahin a tarlan danin Saituala survey & re-survey senso tur Rs. nuai 52.81 chu SEDP atangin ruahman a ni a. Buannel Geo Solutions & Services-in an thawk ang.