AZL: Central YMA-in Mizorama kawngpui sial hnathawktu NHIDCL hotute chu thing leh mau tichereu lo thei ang bera hna thawk turin an ngen.
Nimin khan Central YMA hnuaia NHIDCL hnathawhte viltu tura din, monitoring team leh NHIDCL hotute chu Aijal Club-ah an inkhawm a, YMA hruaitute chuan chhiatna leh harsatna thlen lo thei ang ber tura hama la turte, hmasawnna hna an thawh mek laia an paltlang khua leh mipuiten harsatna an tawh loh nana hma laksak thin turin NHIDCL hotute chuan an ngen.
Inkawmhonaah hian NHIDCL hnathawh meka ram mipuite duhkhawp lohna lai leh hna tha taka an thawh theih nana Central YMA-in an duhthu an lo thlen tawhtea NHIDCL-in an bawhzui dante report pein NHIDCL hotute hian an hmalak meknate an sawifiah.
NHIDCL hotute chuan kawngpui an zauh nana kopang an laih hekna laiah lei min ven nan Hydro Seedling & Mulching Technology hmanga thlai, thing leh mau an phun dan tur an sawifiah a, project dang an neih leh tur leh Mizorama an hmachhawp leh hmasawnna tur a nih dan te an sawi bawk a ni.