Aizawl : Director General of Police, Mizoram Divesh Chandra Srivastva-a’n Inrinni khan Govt. Serchhip College-ah hun a hmang a, Serchhip Police Station a tlawh nghal.
DGP chuan Govt. Serchhip College-a zirlaite chu eng kawng pawh zawh dawn se a sang ber nih zel tum turin a chah a, chumi atan chuan taimakna, tumruhna, insumtheihna leh thuawihnate a pawimawh thu a sawi.
Mizo khawtlang huapa inenkawl dan tha hlea a hriat thu sawiin, aia upa te, nu leh pa, khawtlang hruaitute leh kohhran lama thil tha inzirtir thin te chu ng- het taka vawn tlat pawimawh a tih thu a sawi.
Hlawhtling tur chuan hriselna ngaihpawimawh pawh a tul thu DGP chuan a sawi a. Taksa tichhe thei laka inthiarfihlim tur leh social media bawiha tang lova, an zirlai puitu atana hmang turin a chah.
Hemi ni vek hian DGP chuan Serchhip Police Station-a Waiting Shed leh Guest room an siam thar te chu a hawng bawk.