India ramah darkar 24 liam ta chhungin mi 5,664-in coronavirus an kai tih hmuh chhuah belh leh niin mi 4,45,34,188-in an kai ta.
Union health ministry-in a chhinchhiah dan chuan hri kai enkawl lai zat pung leh hret hretin mi 47,922 an la awm mek.
Darkar 24 liam ta chhung hian hri kai mi 35 chhinchhiah belh leh hman an ni a; mahse, an zinga mi 21 chu Kerala-a a hmaa thi tawh, tlaikhawhnua chhinchhiah an ni a. An vaiin mi 5,28,337-in an thihpui tawh a ni.
Hri kai hmuh chhuah tawh zawng zawng atanga chhutin enkawl lai hi 0.11% an la ni mek a, 98.71% erawh enkawl dam an ni tawh thung.
Darkar 24 liam ta chhung khan enkawl lai zat hi mi 1,074-in an pung leh hman a ni.
Darkar 24 liam ta chhunga sample endik zinga 1.96% chuan hri an kai tih hmuh chhuah niin chawlhkar khat liam ta chhunga endik zinga 1.79%-in an kai bawk.
Hri kai zinga mi 4,39,57,929 chu enkawl dam leh an ni tawh a, 1.19%-in an thihpui tawh a. Invenna dose vaibelchhe 216.56 pek a ni tawh.