Boycott ngei tura nawrna leh karna karah ‘Brahmastra’ chuan kumina Bollywood film sum lalut hnem ber ni turin a dinhmun a tha. Pahnihna hauhtu ‘Bhool Bhulaiyaa 2’ a khum.
Ranbir Kapoor leh Alia Bhatt te channa film hi September 8 khan tlangzarh niin, hun rei tak Bollywood film laka beisei bo tawh leh hnualna awm mek chu boruak thar leh duhawm tak hmanga kaihthawh leh niin, Hindi film bika 2022 kuma bopening hit ber, Karthik Aaryan channa, ‘Bhool Bulaiyaa 2’ chu nasa takin a khum.
‘BB2’ hi cheng vaibelchhe 14.11 ne3na bultan kha a ni a, Brahmastra erawh chuan Hindi version bikah chauh pawh nikhatna ah khan cheng vaibelchhe 31.5 a lalut thei. Tunah chuan BB2 sum hmuh zawng zawng belhkhawm a khum fai vek tawh a, ni 10 vel emaw chauh a la liam lehnghal!
Tunah hian ‘The Kashmir Files’ chiah khum zawh loh neiin, kumina Bollywood film hit ber ni mek hian cheng vaibelchhe 252.90 chuang a lalut tawh. Bhrahmastra hian khum thei tak maw!