Congress party hian an president nghet tur inthlan hun tur an tifel vek tawh a, September 22 hian inthlan hriattirna an tichhuak dawn.
India rama political party upa ber president nih tuma chuh tumte tan September 24 atangin hming pek theih a ni ang a, September 30 thleng hun hawn a ni ang.
Chuh tuma hming pe, inhnukdawk leh duhte tan October 8 thleng hun hawn a ni bawk.
Party rorelna sang, Congress Working Committee (CWC) chuan president thlan hun atan October 17 a ruat fel tawh a, October 19-ah vote tlate chhiar a ni ang.
Party presideng thar thlan tur hi an hruaitu hlun, Gulam Nabi Azad-a’n a chhuahsan boruak a len vanglaia ruahman a ni a. Ani hma hian hruaitu dangte pawhin an lo chhuahsan tawh.
President thar thlan tur hi Congress tan chona lian tak a ni a, hming langsar tak, Gandhi-a lahin tun thlengin nih a tum tawh loh thu a la sawi.
Party chhunga Central Election Authority chuan CWC-in inthlan hun tur ruahmanna a siam tawh bawkzui hian tluang taka inthlan a nih theih nan hma an la mek.