Serie A champion lai AC Milan lakah Napoli striker Giovanni Simeone chuan chakna goal a khung a. 2-1 a hnehna changin Italy a football league sang berah hma an hruai.
San Siro a inkhelah Simeone hian minute 78-naah chakna goal hi a khung a. Mario Rui ball cross duhthusam chu six yard box ah nangchingin a tauh lut chiang hle.
Partenopei tan hian winger Matteo Politano chuan minute 55-naah goal hmahruai a khung a. Milan full-back Sergino Dest chuan Khvicha Kvaratskhelia ti tlu in penalty a chawi.
Milan tan striker Olivier Giroud chuan minute 69-naah an si phurh a sut a, Theo Hernandez ball siamsak goal-ah a khung tha hle. Milan hi first half-ah team hlauhawm zawk an ni a, mahse goal hmaah an huntha neihte a hmawr an bawk tha tawk lo thin.
Milan hmelma Inter Milan in Udinese an tlawh a, 3-1 in an tlawm haw.
Dacia Arena-ah Udinese in Nicolo Barella freekick hmanga si an phurh hmasak zet hnuah Milan Skriniar own goal hmangin an rul a. Huntawp dawnah Jaka Bijol leh Tolgay Arslan ten goal khungin hnehna an chang a. A zawnin vawi nga league-ah an chak tawh.
Hetihlai hian Juventus an la che fuh hleithei lova. Monza in lo mikhualin Christian Gytkjaer goal khung hmangin 1-0 in an hneh. Juve winger Angel Di Maria chuan he inkhelah hian red card a hmu.