Premier League hmahruaitu Arsenal chu Pathianni zanah table chung ber luah turin an kir lehnghal a. Brentford lakah 3-0 a chakin champion lai Manchester City chungah an awm.
Gtech Community Stadium-ah nikuma an lo ngam loh tawh lakah Arsenal an chesual tawh lo chiang hle a. Defender William Saliba chuan minute 17-naah goal hmahruai a khung hnuah Brazil forward Gabriel Jesus chuan Gunners tana a goal li na a khung leh a. Second half-ah Portuguese midfielder Fabio Vieira chuan an goal thumna a khung.
Arsenal in he inkhelah hian Premier League record ni turin Ethan Nwaneri chu an luhtir a. Kum 15 leh ni 181 a upa niin Premier League chanchin a player naupang ber a ni.
Arsenal manager Mikel Arteta chuan, “Player naupang zawkte tana huntha siamsak zel hi kan tum a ni.” tiin inkhelh hma in a lo sawilawk tawh a. “Inhliam in min tihbuai avangin heng harsatna te hian midang tan huntha a siam thin.” tiin a sawifiah.