Russian pop superstar Alla Pugacheva chuan an ramin Ukraine laka indo a kalpui chu sawiselin, Putin-a rorelna duh lohna hluar zel karah ring takin ‘aw’ a chhuah.
Ukraine indo buaina chungchangah ramchhung superstar pakhatin vantlang hriatah a sawiselna langsar berah hian a lungawi lohna a hrithla.
A pasal Maxim Galkin chu foreign agent-ah puh mek niin, Russian hmelma angah te an chhuah bawk a, an ram sorkar leh kalphung sawisel nasa tak a nihna chu ram phatsanah mi tam takin an ngai.
“Ka ram, ka hmangaih em em tana foreign agent list-ah induh chuan min dah rawh u,” tia sawiin kum 73 mi Putacheva chuan, “A chhan chu, ka pasal ngaihdan ka tawmpui tlat. A ni hi mi tluang leh mi dik a ni a, Russian hmangaih rum rut, engmahin a tihdal ve loh.. ram hmasawnna leh zalenna baka remna duh ngawih ngawih thin a ni,” tiin instagram-ah followr maktaduai 3.5 chuang neitu ni bawk hian a sawi.
Pugacheva hi Soviet hun lai daih tawh pawh khan lar namen lovin a lar tawh a, tun thleng pawh hian a larna leh huhang hi a na chhunzawm hle.